Die Burger misreken wiskundekompetisie
Die Burger se jaarlikse wiskundekompetisie is uitgestel weens tegniese probleme.
Hoërskool Bonnievale se skoolhoof, mnr. Johan Els, het die organiseerders van die kompetisie gekontak toe hy verneem het dat die leerders ‘n kwartuur ná die kompetisie se opening, steeds nie kon aanmeld nie.
Volgens die inligting wat mnr. Els gekry het, het die organiseerders nie gereken daarop dat soveel mense daaraan sou deelneem nie. Die stelsel kon nie dit hanteer nie en het ingegee. Registrasie het egter reeds 2 Mei gesluit.
“Ek het só uitgesien na die kompetisie. Dat dit nie kon plaasvind het nie was regtig sleg!” – Abraham Wentzel
Op die webwerf waarop die leerders moes aanmeld, is beweer dat die leerders te vroeg was en moes aanmeld soos die amptelike tye uiteengesit is.
Die organiseerders het aan die skool gesê dat die leerders steeds sal kan deelneem, sodra die probleem opgelos is en dat hulle nie van hul toegelate tyd ontneem sal word nie.
Mnr. Els het die leerders, na byna 45 minute se wag, verskoon. Hy het getroos dat dit onregverdig sou wees om ‘n kompetisie waaraan nie almal wat ingeskryf het kon deelneem nie te laat voortgaan. Later is daar verneem dat die kompetisie uitgestel is.
Die leerders wat daaraan sou deelneem, was baie teleurgesteld. Abraham Wentzel (gr.11) het gesê: “Ek het só uitgesien na die kompetisie. Dat dit nie kon plaasvind het nie, was regtig sleg!”
Ek wens ek kon jou met ‘n glimlag groet, maar ek is bang ek skep ‘n wanindruk. Ek is mal oor tale; ek leer dit maklik aan. Ek verpes diere: hulle is afhanklik en verstaan nie rede nie. Ek geniet mense: hulle word deur verskeie invloede gevorm en ek weet ek kan ‘n invloed op iemand wees. Ek kan vir ‘n mens verduidelik waarom ek oortuig is van my standpunt. Dis gevaarlik om nie te droom nie, want sonder doelwitte sal jy vir ewig verander sonder om te ontwikkel of vooruit te gaan.
