Bonnies kry nuwe watertenke
Op 6 November 2018 het ‘n konstruksieprojek voor die matriekhokkie van Hoërskool Bonnievale (HSB) begin. Daar word twee 10 000 liter watertenke opgerig.
Die doel van hierdie watertenke is om water te voorsien aan die skool op dae wat daar wateronderbrekings deur die munisipalitiet is. Dit is ook daar as ‘n reserwebron indien Bonnievale weer ‘n droogte sou ondervind.
Die watertenke se hoofdoel is om water aan die toilette te voorsien wanneer daar wateronderbrekings is, want die skool sal nie goed kan funksioneer sonder werkende toilette nie.
Dié idee is deur die Wes-Kaapse Onderwysdepartement (WKOD) ingestel.
Mnr. Els (skoolhoof van HSB) het vertel: “Die skool betaal niks vir die opstel van die watertenke nie, die WKOD dek al die koste. Ek dink die watertenke is ‘n briljante idee.”
Ek is ‘n hardwerkende en toegewyde jong dame wat glo waar daar ‘n wil is, is daar altyd ‘n weg. Om te skryf is een van my stokperdjies, want ek hou daarvan om my verbeelding te gebruik. Ek is ‘n avontuurlustige mens en sien altyd kans vir ‘n uitdaging!
