Met ‘n gekners van tande en toeskouerharte wat touspring, was alle oë op Saterdagmiddag 4 Augustus 2018 om 12:10 op Hoërskool Bonnievale (HSB) se A-rugbyveld gerig.

Die Bonnies (HSB) en die Zebras (Hoërskool Piketberg) se eerste rugbyspanne het hul afrigters, ouers en ander spelers vlak laat asemhaal met hul kop-aan-kop spel. Die spanne het gelykop gespeel met ‘n eindtelling van 14-14.

Hoërskool Piketberg is Saterdagoggend op HSB se sportterrein verwelkom. Om 09:00 is die eerste fluitjies vir die dag geblaas. Beide hoërskool- en laerskoolspanne het deel uitgemaak van die dag se wedstryde.

HSB se eerste netbalspan het ‘n taai stryd teen Piketberg beleef en het hulle wedstryd teen die Zebra-meisies verloor. “Alhoewel ons ons wedstryd verloor het, het ons goeie spel gelewer en hard gewerk,” is Janke Brink (o.19A-netbalspeler) se mening.

Ten spyte van die koue weer het die dag se donker wolke ook hul silwer randjies gehad. Die wedstrydtellings van die dag teen HSB se opponente was as volg:

Laerskool Netbal:
O.7A: 11-3 (wen)
O.7B: 8-3 (wen)
O.8A: 8-3 (wen)
O.8B: 10-0 (wen)
O.9A: 11-3 (wen)
O.9B: 10-0 (wen)
O.10A: 4-13 (verloor)
O.10B: 5-8 (verloor)
O.11A: 6-6 (gelyk)
O.11B: 2-6 (verloor)
O.13A: 25-15 (wen)
O.13B: 6-5 (wen)

Hoërskool Netbal:
O.14A: 16-20 (verloor)
O.14B: 10-7 (wen)
O.15A: 9-12 (verloor)
O.15B: 15-11 (wen)
O.16A: 15-15 (gelyk)
O.16B: 16-22 (verloor)
O.17A: 5-14 (verloor)
O.17B: 13-11 (wen)
O.19C: 15-3 (wen)
O.19B: 19-8 (wen)
O.19A: 25-38 (verloor)

Laerskool Rugby:
O.7: 11-2 (wen)
O.8: 11-0 (wen)
O.11: 0-39 (verloor)
O.13: 5-50 (verloor)

Hoërskool Rugby:
O.15: 14-0 (wen)
O.19B: 15-13  (wen)
O.19A: 14-14 (gelyk)

‘n HSB-leerder en noodhulphelper, Kia Mouton (gr. 12), het die volgende gesê na afloop van die dag: “Ek raak nie gewoonlik so gespanne terwyl ek rugby kyk nie, maar ek was vasgevang in die o.19A-span se wedstryd wat gelykop geëindig het!”

Klik gerus hier om  meer aksiefoto’s van dié dag te sien.