Bonnies skiet, swem en hardloop laat dit spat
Ná maande van hard oefen en fyn mik, is nege Hoërskool Bonnievale atlete vir die Wes-Kaapse Biathle en Triathle Kampioenskappe gekies.
Die atlete het op 16 en 17 April 2022 by Glenwood House in George saam met hulle afrigter, me. Liezel Wessels, deelgeneem. Me. Wessels was eerste in haar ouderdomsgroep, as deel van die Kaapse Wynlande-span.
Dié leerders het as volg presteer:
- Biathle: Renso de Wet – 1ste, Jonathan Davids – 1ste, Malan Schoeman – 1ste, Lisa van Zyl – 3de, Nelius Möller – 3de, Kayla Schoeman – 2de.
- Triathle: Mia van Zyl – 3de, Lisa van Zyl – 2de, Malan Schoeman – 1ste, Kayla Schoeman – 3de.
“Ek dink dit was vir almal baie lekker, veral omdat ons weer kon deelneem. Die Bonnies het mekaar baie aangemoedig tydens die deelname,” sê me. Wentzel oor die byeenkoms.
Triathle is waar atlete elektroniese teikens skiet met ‘n laserpistool, gekombineer met swem. Biathle is ‘n kombinasie van hardloop en swem. Afhangend van die ouderdomsgroep, kan die swemafstand van 25 tot 50 m in biathle, en 50 tot 200 m in triathle strek. Die skietafstand wissel van 3 tot 10 m.
“Dit was baie pret ná ‘n lang tyd van nie deelneem nie. Ons almal het dit geniet,” noem Nelius.
Opkomende byeenkomste sal op 8 Mei (die Wes-Kaapse Laser Run), 28-29 Mei, (Biathle en Triathle Suid-Afrikaanse Kampioenskappe) en 24 Junie (die Suid-Afrikaanse Laser Run Kampioenskappe) plaasvind.
Ek is ‘n gebore Bonnievaler en leerder in Hoërskool Bonnievale met ‘n passie vir sport. Ek hou van sosiaal wees en tyd saam met my vriende deurbring.
